Përshëndetje të gjithëve!

Ky është një udhëzimi shkurtë rreth blerjes së një makine qoftë e re apo e përdorur.

Në radhë të parë makina është gjëja e dytë më e shtrenjtë që blini në jetën tuaj dhe për këtë arsye ajo ka një rëndësi të veçantë.
Sipas statistikave njerëzit e ndërojnë makinën një herë në shtatë vjet dhe në kohët e fundit kjo e dhënë ka rënë në një herë në katër vjet. Kjo tregon se sot është bërë më e lehtë të blesh makinë dhe se njerëzit ndërojnë shpesh makina.

Edhe pse shkruhen shumë artikuj rreth blerjes së makinave, blerja e makinës të streson dhe të mundon.
Për këtë arsye thonë se është më e lehtë të blesh makinë sesa të vendosësh se çfarë makine do të blesh.
Ne do të mundohemi t’ju japim disa këshilla të shkurtra rreth blerjes së makinës që t’ju uli pak stresin dhe t’ju lehtësojë punën.

Blej makinë

Tashmë ju keni shumë mundësi zgjedhjeje në marka të ndryshme dhe modele të ndryshme.
Vetëm tek GjejMakina.com ju keni 28 marka të ndryshme makinash. Të gjitha këto marka janë duke konkuruar për të marrë paratë tuaja.

Gjatë zgjedhjes së makinës tek ju ndikon:

  • Marka
  • Modeli
  • Forma e makinës
  • Motorri
  • Karburanti

dhe në fund nëse ngelet edhe ngjyra.

Ju duhet të dini edhe diçka se në përgjithësi në treg janë 75% ose më shumë makina të përdorura.
Për të të lehtësuar blerjen e makinës tuaj ndiqni këto pika.

Për çfarë do ta përdorni makinën?

  1. A do ta përdorni makinën për të shkuar dhe ardhur në punë?
  2. A do ta përdorni për të udhëtuar me makinën?
  3. A do ta përdorni për punët tuaja?
  4. A do ta përdorni për pushime?
  5. A do ta përdorni për sporte dhe shlodhje?

Apo do ta përdorini për për biznes?

Në të njëtjën kohë ju duhet të mendoni edhe për pikat e mëposhtëme:
Sa persona do të lëvizin me makinë?
Nëse jeni beqar dhe shoqëria juaj ka makinë atëherë një makinë e vogël për pak persona do ju mjaftonte.
Nëse jetoni me prindërit dhe keni më shumë se dy fëmijë do t’ju interesonte një makinë më e madhe.

A do ju interesonte një makinë e fuqishme apo një ekonomike?
Nëse ju punoni në terrene të vështira dhe bëni rrugë të gjata atëherë duhet të merrni një makinë të fuqishme.
Nëse makina juaj përdoret më shumë brenda qytetit atëherë një makinë ekonomike do t’ju interesonte më shumë.
Nëse për ju ka më shumë rëndësi siguria sesa madhësia atëherë makinat e standartit amerikan janë për ju.
Duhet të mendoni edhe nëse ju do të tërhiqni atëherë duhet mendoni një makinë të fuqishme që e përballon tëheqjen.

Sa më shumë ta specifikoni makinën tuaj aq më e lehtë është të gjesh makinën më të mirë për ju.
Duhet të mos harroni që edhe emocionet janë të rëndësishme.
Ju duhet të bleni edhe një makinë që ju pëlqen që kur të hipni në të çdo ditë të keni kënaqësi e jo të bëheni pishmënd.
Duhet të dini që dhe kënaqësia juaj nuk duhet të kalojë përdorëshmërinë e saj, që do të thotë se ju nuk duhet të merrni një makinë sportive nëse keni familje të madhe dhe lëvizni shpesh me familjen.

Lloji i Makinës?

Veturë është një makinë për qytet dhe rrugë të gjata në vartësi të fuqisë motorrike.
Veturë me portobagazh është një makinë që mund të përdoret për transport familjar por në shqipëri preferohet edhe për transport tregëtar. Ju mund të shihni elektriçist, bojaxhi apo edhe ata që shesin fruta perime përdorin këto lloj makinash. Kjo mund të ndodh për vet volumin e punës dhe përdorimin e makinës për punë të dyfishtë edhe për familjen dhe për punën.
Makinat sportive janë më shumë për të rinjtë që edhe e pëlqejnë shpejtësinë. Por nëse keni mundësi mund të blini dy makina një familjare dhe një sportive.

Foristradat janë makina të mira për rrugë të gjata por edhe janë bërë shenjë prestigji dhe i përdorin akoma më shumë edhe në qytet për shkak të sigurisë që të japin por edhe kënaqësisë.

E re apo e përdorur?

Nëse ju pëlqen të keni garancinë e një makine të re?
A doni që për disa vjet të mos keni shumë probleme me makinën?
A doni të humbni vlerën e makinës deri në 30% të vlerës në 3 vitet e para?

Naftë apo Benzinë?

Këtë përgjigje duhet ta jepni pasi të zgjidhni llojin e makinës. Ju duhet të krahasoni nëse shtesa në çmim të makinës me naftë ia vlen për sa kohë do ta përdorni ju makinën?
Ju duhet të dini që një VW Golf me naftë i 1996 është 5000 Euro dhe harxhon 5 litra
kurse një VW Golf me benzin i 1996 është 2500 Euro dhe harxhon 7.2 litra.
Diferenca për çdo 100 kilometra është fitim juaj.

Një makinë me pjesë të lira që gjenden në treg apo një makinë me pjesë të shtrenjta dhe që nuk gjenden në treg?

Ju duhet të shikoni edhe për shërbimet e makinës edhe për pjesët e saj. Nëse doni një makinë ekonomike duhet të shikoni jo vetëm çmimin e makinës por edhe pjesët e saj dhe sa i kushtojnë taksat dhe shërbimet.

Shes makine cayene albania

Vlera e Markave.

Është shumë e rëndësishme të merrni markën e duhur sepse marka e makinës do t’ju shpërblejë dhe do t’ju bëj të ndiheni më mirë sesa komplimentet e komshive kur t’ju shohin me një makinë lluksoze.
Duhet ta dini se disa marka humbin vlerë shpejt dhe disa marka humbin vlerë ngadalë. Për këtë konsultohuni mirë me një person që e njeh mirë tregun.
Dhe më së fundi ta dini që blerjen e makinës e ndikon:
marka ,
vendi ku është prodhuar,
prestigji i makinës,
kujdesi i pronarit dhe
distaca që ka udhëtuar.
Si përfundim besoj se ky artikull ka qenë i dobishëm për t’ju dhënë një ide përpara se të blini makinë.